Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) müqəddəs Kərbəla şəhərindəki nümayəndəsi Təff faciəsinin əbədi faciəsini yad etmək və imam Hüseynin (ə.s) şəhadətinin ildönümünü anmaq münasibətilə Hüseyni matəm məclisi təşkil edib.

Şeyx Muhəmməd Zureycavi məclisdə çıxışı zamanı bildirib: "Bu hüznlü günlər İslam ümmətinə, böyük dini mərcələrə və bütün möminlərə Kərbəla şəhidlərinin ağası imam Hüseynin (ə.s), onun pak əhli-beytinin və vəfalı səhabələrinin şəhadəti münasibətilə başsağlığı vermək üçün bir fürsətdir. Hüseyni məclislər iman, şüur və gözəl əxlaqın möhkəmləndirildiyi yenilənən bir məktəb, Allahın dinini qoruyan və bəşər tarixinin ən böyük fədakarlıq nümunəsini nümayiş etdirən imam Hüseynin (ə.s) qiyamına sədaqətin təcəssümüdür. Aşura məktəbi bizə səbir, mətanət, birlik və cəmiyyətə xidmət ruhunu öyrədir".

O qeyd edib ki, Hüseyni məclislərin keçirilməsi yalnız tarixi bir hadisəni xatırlamaq deyil, imam Hüseynin (ə.s) uğrunda qiyam etdiyi prinsiplərə, xüsusilə də haqqı müdafiə etmək, zülm və fəsadla mübarizə aparmaq əhdinin yenilənməsidir. Şeyx Zureycavi Hüseyni mərasimlərinin məsuliyyət, əməkdaşlıq və qarşılıqlı yardımlaşma ruhu ilə davam etdirilməsinin vacibliyini vurğulayaraq, onların Əhli-beytin (ə.s) bərqərar etdiyi İslami və bəşəri dəyərlərin möhkəmləndirilməsi üçün bir başlanğıc nöqtəsinə çevrilməsinin əhəmiyyətini qeyd edib.

Şeyx Muhəmməd Zureycavi həmçinin Muhərrəm ayının başlanması münasibətilə zamanın sahibi imam Məhdiyə (ə.f), böyük dini mərcələrə və bütün İslam ümmətinə başsağlığı verib. O bildirib ki, bu günlər iman ruhunun yenidən dirçəldilməsi və həqiqi Muhəmmədi İslamın bayrağına möhkəm sarılmaq üçün mühüm bir fürsətdir.