Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) nümayəndəsi və Nəcəful-Əşrəfdəki Mərkəzi Ofisinin rəhbəri Şeyx Əli Nəcəfi mübarək Ərbəin ziyarəti mərasimində mömin izdihamına qoşulub. O, yürüşünü İraqın ən cənubunda yerləşən Fav şəhərindən başlayıb.

O, yürüşü zamanı qəbilə şeyxləri, Hüseyni mərasim dəstələrinin sahibləri və müqəddəs Kərbəlaya, imam Hüseynə (ə.s) doğru hərəkət edən möminlərlə görüşüb. Görüşlər zamanı hörmətli mərcəi-təqlidin (kölgəsi davamlı olsun) salamını və işlərində müvəffəqiyyət, düzgünlük və əməllərinin qəbul olunması ilə bağlı duasını onlara çatdırıb.

O, görüşləri zamanı vurğulayıb ki, Ərbəin ziyarəti İslam dininin əsil Muhəmmədi mahiyyətinin sözünü ucaldan və onun qüdrətini nümayiş etdirən mübarək bir dini şüardır. Həmçinin bu ziyarət möminlər arasında yaxınlaşma və bir-birini tanıma əlaqələrini gücləndirir, onların dini və milli kimliyini möhkəmləndirir.